عادل راجا کی کال لیکس

عادل راجا کی اب تک انڈین ایجنسی را کے ساتھ کی گئی گفتگو کی دو کلپس لیک ہوچکی ہیں۔ 

اس نے خود اپنی پروفائل پر لکھ رکھا ہے کہ میں 'انٹرنینشل ہومن رائٹس فاؤنڈیشن' کا نمائندہ ہوں۔ اس ادارے کے بارے میں مرحوم ارشد شریف نے انکشاف کیا تھا کہ یہ را کی قائم کردہ فیک این جی او ہے جسکا نشانہ صرف پاکستان ہے۔ 

اسی عادل راجا نے عمران خان اور پی ٹی آئی کو مسٹر ایکس، مسٹر وائی اور ڈرٹی ہیری وغیرہ کا بیانیہ دیا۔ 

اگر یہ کہا جائے کہ بشری بی بی کے بعد پی ٹی آئی کا بیڑہ غرق کرنے میں اس شخص نے سب سے اہم کردار ادا کیا ہے تو غلط نہ ہوگا۔ پی ٹی آئی کو ایک سیاسی جماعت سے ایک فوج دشمن گروہ میں تبدیل کرنے میں عادل راجا کا کردار سب سے اہم ہے۔ 

اب اپنی لیک ہونے لی آڈیوز کی وہ زور و شور سے تردید کر رہا ہے کہ یہ جعلی ہیں جن میں وہ انڈینز کے ساتھ تبادلہ خیال کر رہا ہے۔ 

اگر یہ آڈیوز جعلی ہیں تو کوئی پی ٹی آئی والا ایسی ہی ایک فیک کنورسیشن ڈیپ فیک یا آرٹیفیشل انٹلیجنس سے بنوا کر دیکھا دے؟ ۔۔ یا پھر عادل راجہ کا کوئی کلپ ہی دیکھا دیں جہاں سے کوئی جملہ کاٹا گیا ہو؟ کسی معتبر ادارے سے فرانزک کروا دیں؟؟

عادل راجا کی یہ کلپس بلکل اصلی ہیں۔ پی ٹی آئی کے لیے مصیبت یہ بنتی ہے کہ اگر ان کے اصلی ہونے کا اعتراف کر لے تو یہ بھی ماننا پڑے گا کہ عادل راجا نے پی ٹی آئی جو پاک فوج کے خلاف جو بھی بیانیہ بنا کر دیا وہ دراصل اس کو انڈین ایجنسی را کی طرف سے ملا تھا۔ عادل راجا نے کمال مہارت اس بیانیے کے لیے پوری پی ٹی آئی کو استعمال کر ڈالا بشمول عمران خان کے۔ فوج سے لوگوں کو متنفر کرنے کی مہم میں اپنی پاؤ بوٹی کے لیے عادل راجا نے پوری پی ٹی آئی کی گائے کو زبح کر ڈالا۔ 

دلچسپ بات یہ ہے کہ بظاہر پی ٹی آئی کے کچھ بڑے اکاؤنٹس اب بھی عادل راجا کی حمایت میں بول رہے ہیں اور اس کو محب وطن قرار دے رہے ہیں۔ ان اکاؤنٹس پر غور کریں تو ان میں سب سے بڑا ایکس سروس مین سوسائیٹی کا ٹویٹر اکاونٹ ہے جو شروع سے عادل راجا کے ہی پاس ہے اور اس سے وہ خود اپنے حق میں ٹویٹس کرتا رہتا ہے۔ دوسرے چند ایسے اکاؤنٹس ہیں جن کے ہینڈلرز پاکستان کے باہر بیٹھے ہیں۔ ان کو دیکھ کر پی ٹی آئی کا عام ورکر بھی یہی سمجھتا ہے کہ شائد یہ سچ کہہ رہے ہیں اور عادل واجہ واقعی محب وطن اور پی ٹی آئی کا خیر خواہ ہوگا۔ 

ایک چیز اور بھی دیکھی۔ جب عادل راجا کچھ زیادہ ہی مشکوک حرکتیں کرنے لگتا ہے تو پی ٹی آئی کے کچھ لوگ کہنا شروع کر دیتے ہیں کہ جی یہ تو پی ٹی آئی کا ہے ہی نہیں۔ یہ تو سابقہ فوجی ہے۔ اگر ایسا ہے تو پی ٹی آئی ایک بار آفیشلی عادل راجا سے اظہار لاتعلقی کر دے۔ لیکن سچ یہ ہے کہ اس کی تمام تر فالونگ پی ٹی آئی کی ہے اور اس کے ہر جھوٹ کو پی ٹی آئی تبرک کی طرح پھیلاتی ہے۔